Год заснавання: 2018

Стадыён: САК «Алімпійскі» (1500)

Колеры: чорна-белыя

Старшыня праўлення:

Дырэктар:

Галоўны трэнер: Сяргей Кузьмініч

Усе назвы: «НФК Крумкачы» (2018).

Дасягненні: 2 месца чэмпіянату Другой лігі (2018)

Папярэднікам НФК заўзятары клуба па праве лічаць ФК «Крумкачы». Клуб быў заснаваны ў 2011 годзе і першапачаткова выступаў у чэмпіянаце і кубку МАФ па футболе 7×7, 8×8. У 2014 годзе «Крумкачы» былі створаны афіцыйна, падалі заяўку ў другую лігу чэмпіянату Беларусі. У першым сезоне ўдзелу ў дадзеным турніры каманда заняла 2-е месца і выйшла ў Першую Лігу. Сезон у Першай Лізе «крумкачы» правялі больш чым паспяхова, амаль пастаянна знаходзячыся ў групе лідэраў. А 15 лістапада 2015 футбалісты клуба ў заключным матчы сезона атрымалі перамогу над магілёўскім «Дняпром» і выйшлі ў Вышэйшую Лігу Беларусі. Сезоны 2016 і 2017 клуб правёў ў вышэйшым дывізіёне, але перад стартам новага сезона каманда не змагла атрымаць ліцэнзію на выступ у Д1 «у сувязі з сістэматычнымі парушэннямі патрабаванняў рэгламенту па ліцэнзаванню і кантролі дзейнасці клубаў, якія выявіліся ў неаднаразовым парушэнні тэрмінаў прадастаўлення дакументаў, якія пацягнулі зрыў працэсу ліцэнзавання».

Заўзятарамі клуба была створана новая юрыдычная асоба - «НФК Крумкачы». Створаная каманда, па дамоўленасці з кіраўніцтвам ФК «Крумкачы», пакінула за сабой сімволіку «крумкачоў», не з'яўляючыся пры гэтым поўным правапераемнікам клуба. Каманда падала заяўку на выступ у Другой лізе і па выніках сезона заняла 2 месца, што дазволіла клубу выйсці ў Д1.